Þreyta og leti

Ég er hálfþreytt í dag. Sama á við um Ösku, hún hefur sofið meira og minna síðan við lögðum af stað heim úr bústaðnum í gær. Krakkarnir voru svo duglegir að leika við hana alla helgina að hún er alveg búin. Kom hérna heim áðan með húsbóndanum og skreið bara upp í sófa og neitaði að fara aftur. Ég heyri hroturnar berast úr stofunni einmitt núna. Ég er hins vegar ekki sú brattasta heldur, ætla þó að fara að skríða framúr og reyna að borða eitthvað. Ég fer í skoðun á morgun og fæ þá að vita hvort ég fái leyfi til að byrja eitthvað að vinna aftur. Ég væri alveg til í að kíkja í nokkra klukkutíma á dag....svona til að missa ekki vitið.
...